ულტრანაციონალისტური ჯგუფები, რომლებიც რუსთაველის გამზირზე კონტრაქციას მართავენ, ყველა მხრიდან ცდილობენ პარლამენტის წინ მიმდინარე აქციაზე შეჭრას. დემონსტრანტებმა არაერთხელ სცადეს პოლიციის კორდონის გარღვევა.

ფოტო: გელა ბოჩკაშვილი / On.ge

აქცი ჩვენი თავისუფლების პარალელურად ორი კონტრაქცია იმართება, რომელზეც ქართული მარშის და ქართული ერთობის წევრები იმყოფებიან. მათი განცხადებით, სურთ 9 აპრილის მემორიალთან სანთლების დანთება. მათ ქაშუეთის ეკლესიის წინ სანთლები დაანთეს და ილოცეს.

დილით, თეთრი ხმაურის მიერ ორგანიზებული აქციის მონაწილებმა მემორიალის ყვავილებით შემკობა სცადეს, თუმცა მათ ულტრანაციონალისტებმა გზა გადაუღობეს. მოგვიანებით პოლიციამ კორდონი გააკეთა და აქციის მონაწილეები მემორიალთან მიუშვა.

საპროტესტო აქციები თბილისში მას შემდეგ დაიწყო, რაც 12 მაისს ღამეს კლუბ ბასიანსა და კაფე გალერიში სპეცოპერაცია ჩატარდა. ოფიციალური განცხადებით, ძალოვანებმა ნარკორელიზების ბრალდებით რვა პირი დააკავეს. სპეცოპერაცია დაპირისპირებებისა და მოქალაქეების დაკავების ფონზე მიმდინარეობდა.