"ვინც 9 აპრილის მემორიალზე დგომამ და ცეკვამ გაგაღიზიანათ და მეტიც, აგრესიას არ იშურებთ, უბრალოდ წარმოდგენა არ გაქვთ თავისუფლებაზე და საერთოდ არაფერი არ გესაქმებათ ახლოს ამ პროტესტთან", - სამოქალაქო აქტივისტი, ანა სუბელიანი აქციასთან დაკავშირებით საზოგადოების ნაწილის კრიტიკას პასუხობს.

"ბასიანისა და გალერის კი არა, თავისუფლების დასაცავად ვდგავართ! იმავე თავისუფლების, რომლის დაცვასაც შეეწირნენ 9 აპრილს ჩვენი მოქალაქეები! ისინი თავისუფლებისთვის იბრძოდნენ და არა ქვის გაკერპებისთვის!!" , - წერს სუბელიანი ფეისბუქგვერდზე.

ფეისბუქზე მოხმარებელთა ნაწილმა ცხრა აპრილის მემორიალზე ცეკვა გააპროტესტა და ფაქტი ისტორიის შეურაცხყოფად შეაფასა.

აქცია ჩვენი მშვიდობისთვის პარლამენტთან ხვალ, 13 მაისს, 15 საათზე განახლდება. აქციის მონაწილეთა ნაწილი პარლამენტთან გაშლილ კარვებში ამ დრომდე რჩება.

საპროტესტო აქციები თბილისში მას შემდეგ დაიწყო, რაც 12 მაისს ღამეს კლუბ ბასიანსა და კაფე გალერიში სპეცოპერაცია ჩატარდა. ოფიციალური განცხადებით, ძალოვანებმა ნარკორელიზების ბრალდებით რვა პირი დააკავეს. სპეცოპერაცია დაპირისპირებებისა და მოქალაქეების დაკავების ფონზე მიმდინარეობდა.

ამავე თემაზე: რა მოხდა კლუბ ბასიანთან და კაფე გალერისთან - 12 მაისის მოვლენების დეტალები