პირველიდან რვა მაისის ჩათვლით, საქართველოს მასშტაბით თამბაქოს მოხმარების წესების დარღვევისთვის 12 ფიზიკური, ხოლო 13 იურიდიული პირი დააჯარიმეს. ამის შესახებ შინაგან საქმეთა სამინისტრომ On.ge-ს სტატისტიკური მონაცემები მიაწოდა.

უწყების ცნობით, კანონის ამოქმედებიდან ერთ კვირის ვადაში, სულ 46 შეტყობინება შევიდა.

4 მაისს ქუთაისის ერთ-ერთ კაფეში თამბაქოს შენობაში მოწევისთვის ერთი მოქალაქე დააჯარიმეს, ორი კი - პოლიციისთვის დაუმორჩილებლობის მუხლით დააკავეს.

პირველი მაისიდან საქართველოში, თითქმის, ყველა დაწესებულებაში მოწევა იკრძალება. შეზღუდვა ეხება რესტორნებს, ბარებს, კაფეებსა და კლუბებს.

შენობა-ნაგებობაში ან/და მის კუთვნილ ტერიტორიაზე თამბაქოს მოწევისთვის, ჯარიმა 500 ლარია, განმეორების შემთხვევაში კი ორმაგდება.

ამავე თემაზე: