პარლამენტის ბიუროს 7 მაისის სხდომაზე გადაწყდა, რომ ნარკოპოლიტიკის რეფორმის კანონპროექტი კიდევ ერთი თვით გადაიდო. ინიციატივა ქართული ოცნების დეპუტატ გია ვოლსკის ეკუთვნის, რომელმაც სხდომაზე თქვა, რომ შექმნილ ვითარებაში და არსებული დაპირისპირების დროს კანონზე მსჯელობის დაწყება არ შეიძლება.

"ბოლო პერიოდის მოვლენებმა კიდევ უფრო გააღრმავა დაპირისპირების მძლავრი ტალღა. იყო გამოსვლები, რომ ეს ფატალური შედეგი სწორედაც კანონის მიუღებლობით არის განპირობებული, რაც სიმართლისაგან ძალიან შორსაა".

ნარკოპოლიტიკის კანონპროექტის განხილვა პარლამენტში უკვე მესამედ გადაიდო. კანონპროექტი პარლამენტში ივნისში დარეგისტრირდა.

ნარკოპოლიტიკის ეროვნული პლატფორმის საკანონმდებლო ინიციატივით, ყველა სახის ნარკოტიკის მოხმარებისა და მცირე ოდენობით ფლობის დეკრიმინალიზაცია უნდა მოხდეს.

გაიგეთ მეტი: დეკრიმინალიზაციის მოლოდინში