ქართული ოცნების ლიდერი, კახა ოქრიაშვილი ამბობს, რომ პარტიის დამფუძნებელი და ყოფილი პრემიერი, ბიძინა ივანიშვილი საპრეზიდენტო არჩევნებისთვის კარგი კანდიდატი იქნება, თუ მონაწილეობას გადაწყვეტს. ამის შესახებ ოქრიაშვილმა On.ge-ს მას შემდეგ განუცხადა, რაც ბიძინა ივანიშვილის პარტიის მმართველად დაბრუნების შესახებ გახდა ცნობილი.

როგორც ოქრიაშვილი ამბობს, მისი ინფორმაციით, ბიძინა ივანიშვილს არ სურს იყოს საპრეზიდენტო კანდიდატი. ქართული ოცნების დეპუტატი ამბობს, რომ ივანიშვილი მოქმედ პრემიერს, გიორგი კვირიკაშვილსაც არ შეცვლის.

კითხვაზე - ეს გადაწყვეტილება ხომ არ ნიშნავს, ბიძინა ივანიშვილის არაფორმალური მმართველობიდან მმართველობაში დაბრუნებას - ოქრიაშვილი ასე პასუხობს:

"მე ვთვლი, რომ ბატონი ბიძინა არაფრომალურ მმართველობაში არ მონაწილეობდა. ვფიქრობ, რომ ბატონი კვირიკაშვილი ძალიან კომპეტენტური პრემიერ-მინისტრია და მას ზედამხედველი არ სჭირდებოდა."

მისი თქმით, ბიძინა ივანიშვილს პარტიაში დაბრუნება პრემიერმა შესთავაზა. მისი ინფორმაციით, კვირიკაშვილი ივანიშვილს პარტიაში დაბრუნებას პრემიერად დანიშვნის დღიდანვე სთავაზობდა.