ეტვუდი: ქალების მიმართ ასეთი უხეში წინააღმდეგობებით სავსე პერიოდი დიდი ხანია არ გვქონია

24 Apr. 2018, 18:27

მსოფლიო ძალიან შეიცვალა ჩემი ახალგაზრდობის შემდეგ. 50-იან წლებში, თუ ძლიერი და შენი საქმის პროფესიონალი ქალი იყავი, ან გიჟად გთვლიდნენ, ან ძუკნად. ძალიან უცნაურად ჩათვლიდნენ, ქალებისთვის განსაკუთრებული ღონისძიება რომ გამართულიყო.

ამ რეალობისგან უკვე შორს ვართ, თუმცა ახლა ქალებისთვის ერთდროულად არის როგორც საუკეთესო, ასევე ყველაზე ცუდი პერიოდი. ქალების მიმართ ასეთი უხეში წინააღმდეგობებით სავსე პერიოდი დიდი ხანია არ გვქონია. ზოგი ქალი იბრძვის იმ უფლებებისთვის, რომლებიც არასდროს ჰქონია, მაგრამ სხვები იბრძვიან ამ უფლებების ხელმეორედ წასართმევად. ახლა ის დროა, როცა დარწმუნებით ვერაფრის იმედზე იქნები.

ტრამპის გამარჯვების შემდეგ, მხევლის წიგნი აღარაა ის ამბავი, რომელიც შეუძლებელია რეალობაში მოხდეს, ამიტომ გახდა ფილმის წითელი კოსტიუმები ამ მოვლენასთან სიმბოლური. ეს თითქოს რეალური გახდა. თუმცა, ახლა ამ [მხევლის წიგნის] ეპოქაში არ ვცხოვრობთ, წინააღმდეგ შემთხვევაში, უკვე ციხეში ვიქნებოდი.

ბოლო ამბები: