ბრიტანეთის ახალმა პრემიერმინისტრმა ტერეზა მეიმ კლიმატის ცვლილების დეპარტამენტი გააუქმა, ინფორმაციას ინდეფენდენტი ავრცელებს.

ახალი პრემიერის გადაწყვეტილებას პოლიტიკოსები და ექსპერტები "საშინელ", "სულელურ" და "საკმაოდ შემაშფოთებელ" ნაბიჯს უწოდებენ.

მეიმ კლიმატის ცვლილებებზე კონტროლის პასუხისმგებლობა ბიზნესის, ენერგიისა და ინდუსტრიული სტრატეგიის დეპარტამენტს გადააბარა.

ბრიტანეთის მთავრობის მრჩევლებმა ორშაბათს გასცეს რეკომენდაცია, რომლის მიხედვითაც ქვეყანას სჭირდება კონტროლი, რათა მზად იყოს კლიმატის ცვლილებით გამოწვეული წყალდიდობის, გვალვის, სიცხის და საკვების უკმარისობისთვის.