დღის რადიო ცნობებში, რომლებსაც ტერორისტული დაჯგუფება ისლამური სახელმწიფო გადმოსცემს, ნიცაში მომხდარი ტერაქტის შესახებ არაფერია ნათქვამი. ინფორმაციას BBC ავრცელებს.

ტერორისტულმა დაჯგუფებამ რადიო Al-Bayan წინა ტერაქტების დროს რამდენჯერმე გამოიყენა და მათზე პასუხისმგებლობა სწორედ მისი ეთერის საშუალებით აიღო.

BBC-ის მონიტორინგის ჯგუფის თქმით, იმის მიუხედავად, რომ რადიოს "ახალ ამბებში" ნიცა არ უხსენებია, არ ნიშნავს იმას, რომ ტერაქტის უკან ISIS არ დგას.

აღნიშნულ გამომცემლობას არც თავდასხმამდე გაუკეთებია რამე სახის განცხადება.

14 ივლისს, საფრანგეთის სამხრეთით, ნიცაში, შეკრებილი ადგილობრივები და ტურისტები ბასტილიის დღეს ზეიმობდნენ, როდესაც სატვირთო მანქანა ხალხში შევარდა.

ბოლო ცნობებით, დაიღუპა 84 ადამიანი, მათ შორის არიან ბავშვებიც. 18 ადამიანი კრიტიკულადაა დაშავებული, 50-ზე მეტი ბავშვი კი საავადმყოფოშია გადაყვანილი.

ნიცაში მომხდარი ტერაქტის შესახებ ბოლო ცნობები გაიგეთ აქ.