საოკუპაციო რეჟიმის წარმომადგენლებმა გორის რაიონიდან საქართველოს კიდევ ერთი მოქალაქე გაიტაცეს. რუსთავის 2-ის ინფორმაციით, დაკავებული 77 წლის მწყემსია, რომელიც საქართველოს კონტროლირებად ტერიტორიაზე მაშინ დააკავეს, როდესაც საქონელს მწყემსავდა.

როგორც On.ge-ს სახელმწიფო უსაფრთხოების სამსახურში უთხრეს, საქართველოს მოქალაქე ე.წ საზღვრის უკანონო კვეთის ბრალდებით დააკავეს. უწყების განცხადებით, უკვე ამოქმედებულია ცხელი ხაზი და ინფორმირებულია ევროკავშირის სადამკვირებლო მისია.