მიუნხენის ბაიერნის ნახევარმცველ არტურო ვიდალს მუხლზე გაკეთებული ოპერაციის გამო მიმდინარე სეზონი გაუცდება.

ჩილელმა ფეხბურთელმა დაზიანება ვარჯიშის დროს მიიღო.

"დიდ მადლობას გიხდით მხარდაჭერისთვის. დანებებას არ ვაპირებ", - დაწერა ტვიტერის საკუთარ გვერდზე ვიდალმა.

ბაიერნმა მიმდინარე სეზონის ბუნდესლიგაში გამარჯვება უკვე მოასწრო, თუმცა ჩემპიონთა ლიგის ნახევარფინალში მათ ურთულესი შეხვედრები ელით მადრიდის რეალის წინააღმდეგ.