6 აგვისტოს, Black Sea Arena-ზე მევიოლინე ვანესა მეი გამართავს კონცერტს. ღონისძიების მენეჯერი ანა კავლელიშვილი ტელეკომპანია იმედთან ინტერვიუში აცხადებს, რომ ბრიტანელი მევიოლინე ახალ საკონცერტო დარბაზში მსმენელის წინაშე განსაკუთრებული შოუ პროგრამით წარსდგება. მათივე თქმით, სცენა შუა საუკუნეების სტილში იქნება მოწყობილი.

ვანესა მეის კონცერტი Black Sea Arena-ზე რიგით მეორე იქნება. 30 ივლისს, პოპ ვარსკვლავი კრისტინა აგილერა ჩამოვა. მომღერალი ქართუ ჯგუფს ჩამოჰყავს. ამერიკელი მომღერლის კონცერტზე 9,500 მსმენელი შეძლებს დასწრებას.

ვანესა მეის კონცერტზე დასასწრები ბილეთების გაყიდვა tkt.ge-ზე 18 ივლისიდან დაიწყება და მათი ფასი მინიმუმ 30 ლარი იქნება.