"საბანკო სექტორი არის ჩვენი ეკონომიკის ერთ-ერთი ყველაზე წარმატებული და მნიშვნელოვანი სექტორი", - ბანკების ეკონომიკის განვითარებაში შემფერხებლად მოხსენიების შემდეგ ფინანსთა მინისტრი, მამუკა ბახტაძე პოზიციას იცვლის. ამის შესახებ მან დღეს, 13 აპრილს ჟურნალისტებთან ისაუბრა.

ბახტაძემ განაცხადა, რომ ეკონიმიკის სამინისტრო საბანკო სექტორთან ერთად შეიმუშავებს "ისეთ თამაშის წესებს, რომელიც ხელს შეუწყობს საქართველოში მცირე და საშუალო ბიზნესის და სტარტაპ ბიზნესის განვითარებას".

გუშინ, 12 აპრილს მამუკა ბახტაძემ აღნიშნა, რომ ქართულ ბანკებს მაღალი საპროცენტო განაკვეთი აქვთ, რაც ბიზნესის და მეწარმეობის განვითარებას აფერხებს. ფინანსთა მინისტრმა "სასტარტო კაპიტალით უზრუნველყოფის რეფორმა" დაანონსა.