რუსეთში სასამართლომ კომუნიკაციების ფედერალური სამსახურის (როსკომნადზორის) მოთხოვნა ტელეგრამის დაბლოკვასთან დაკავშირებით დააკმაყოფილა. სასამართლომ დაბლოკვის დაუყოვნებლივი გადაწყვეტილება დღეს, 13 აპრილს მიიღო.

რამდენიმე კვირის წინ სახელმწიფო უსაფრთხოების ფედერალურმა სამსახურმა ტელეგრამს მოსთხოვა, მომხმარებელების მიმოწერის კრიპტოგრაფიული გასაღები მიეწოდებინა.

როსკომნადზორმა ტელეგრამს გასაღების გადაცემისთვის კონკრეტული ვადა მისცა. კრიპტოგრაფიული გასაღები საიდუმლო შიფრებია, რომლებიც შეტყობინებების წაკითხვისთვისა და დაშიფრისთვის მესენჯერის ალგორითმებში გამოიყენება. კომპანიის წარმომადგენლების განცხადებით, შიფრების გადაცემა შეუძლებელია, რადგან ისინი მუდმივად იცვლება და სხვადასვხა იურისდიქციას ეკუთვნიან.

ვადის ამოწურვიდან მეორე დღეს, 6 აპრილს როსკომნადზორმა სარჩელი შეიტანა. კრიპტოგრაფიული გასაღების გადაცემა 2016 წელს დუმის მიერ მიღებულ კანონში არის გაწერილი.

სახელმწიფო უსაფრთხოების სამსახურისა და როსკომნადზორი ამტკიცებდნენ, რომ მესენჯერს ტერორისტები იყენებდნენ, ხოლო პირადი მიმოწერის წაკითხვა დანაშაულთან ბრძოლას შეუწყობდა ხელს.

ტელეგრამი ერთადერთი არ არის ერთადერთი მესენჯერი, რომელიც როსკომნადზორის მოთხოვნებს არ ასრულებს. Facebook, WhatsApp, Signal და რუსეთში სხვა პოპულარული მესენჯერები უსაფრთოების სამსახურისთვის კრიპტოგრაფიული გასაღების გადაცემას ჯერ არ აპირებენ.