კონგრესში რამდენიმესაათიანი დაკითხვის დროს Facebook-ის დამფუძნებლის, მარკ ცუკერბერგის ქონება 3 მილიარდით გაიზარდა და $ 66 მილიარდ დოლარს გაუტოლდა. ინფორმაციას ამის შესახებ CNN ავრცელებს.

ცუკერბერგის გადაწყვეტილებას, პასუხი გაეცა ამერიკელი კანონმდებლების კითხვაზე, ინვესტორებისა და ბაზრის მხრიდან დადებითი რეაქცია მოყვა. სამშაბათს, 10 აპრილს, სავაჭრო დღის შემდეგ კომპანიის ღირებულება 4,5 პროცენტით, $23 მილიარდით გაიზარდა გაიზარდა. ცუკერბერგის გარდა, ქონება გაეზარდათ კომპანიის სხვა აქციონრებსაც.

მიუხედავად ბოლო კვრაში დაფიქსირებული დინამიკისა, Facebook-ის ჯამური ღირებულება, 2018 წლის მაქსიმუმთან შედარებით, 7 პროცენტით ნაკლებია. გარდა ამისა, ეს მონაცემი 16 პროცენტით ჩამორჩება კომპანიის ღირებულების ყველაზე მაღალ მაჩვენებელსაც.

ცუკერბერგის გადაწყვეტილებას მისულიყო სენატში, დადებითი შედეგები მოყვა არამარტო მის კომპანიისთვის მიმდინარე კვირაში დადებითი დინამიკა აჩვენა სხვა ტექნოლოგიურმა გიგანტებმაც.

ქონება გაიზარდა:

  • Snapchat - 8 პროცენტით;
  • Twitter - 5 პროცენტით;
  • Microsoft - 2 პროცენტით;
  • Google (Alphabet) - 1 პროცენტით.