ადამიანის უფლებების სწავლების და მონიტორინგის ცენტრმა მოხის ისტორიული ნაგებობის საქმეზე საერთაშორისო სასამართლოს - გაეროს ადამიანის უფლებათა კომიტეტს მიმართა. საჩივარი ორგანიზაციამ ადგილობრივი მუსლიმების სახელით შეიტანა.

მუსლიმი თემი მიიჩნევს, რომ აღნიშნული ნაგებობა მეჩეთია. 2016 წლის პირველ დეკემბერს რელიგიის საკითხთა სახელმწიფო სააგენტოს მიერ შექმნილმა მოხის სადაო ნაგებობის წარმომავლობის დამდგენმა კომისიამ მიიღო გადაწყვეტილება, რომლის მიხედვით ე.წ. სადაო ნაგებობა კულტურის და ძეგლთა დაცვის სამინისტროს უნდა გადაეცეს.

მოხის სადავო ნაგებობას 2017 წლის 11 მაისს კულტურული მემკვიდრეობის ძეგლის სტატუსი მიენიჭა. ამის შესახებ გადაწყვეტილება სპეციალურმა კომისიამ დღეს გამოაცხადა.

კომისიის თავმჯდომარემ, ზაზა ვაშაძემ განაცხადა, რომ ნაგებობა სახელმწიფო ქონების სააგენტოს საკუთრებაში გადავა, რომლის დაცვაზეც ძეგლთა დაცვის სააგენტოს დაევალება. ვაშაძის თქმითვე, მუსლიმ თემს მეჩეთის ასაშენებლად სოფელ მოხეში 1 400 მ2 მიწის ნაკვეთი გადაეცა.