რუსული სახელმწიფო მედია გაზპრომ-მედიას ადგილობრივი პარტნიორი კომპანია მედია ჯგუფის განცხადებით, NTV-PLUS-ის საქართველოში მაუწყებლობის პოლიტიკურ ჭრილში განხილვა მიუღებლად მიაჩნიათ.

მათივე განცხადებით, კომპანიის მიზანია ბაზრის გაჯანსაღება და თითოეულმა აბონენტმა მიიღოს ლეგალური სერვისი, რის შედეგადაც მომხმარებლისგან მიღებული შემოსავალი დარჩება საქართველოში.

"ამ დრომდე ბაზარზე არალეგალური ტრანზიტის პრობლემა კვლავ აქტუალურია - არალეგალური სერვისებით ქვეყანაში 300 ათასზე მეტი მომხმარებელი სარგებლობს. შედეგად, თვეში საშუალოდ 1,5 მილიონი დოლარი საქართველოდან გაედინება ყოველგვარი აღრიცხვის ან რეგულაციის გარეშე", - ნათქვამია განცხადებაში.

მათივე განმარტებით, NTV-PLUS-ის კომერციული გაშვების შემდეგ მომხმარებლისთვის უკვე ლეგალური გახდება ხელმისაწვდომი ის საერთაშორისო და რუსული მაღალრეიტინგული სატელევიზიო არხები, რომლებიც ამ დღემდე კანონის და რეგულაციების გვერდის ავლით ოპერირებდა აღნიშნული კომპანიის სახელით.

უმსხვილეს რუსულ სახელმწიფო მედიაჰოლდინგს, გაზპრომ-მედიას შვილობილი კომპანია NTV-PLUS, რომელიც შემოდის საქართველოში არხების მხოლოდ თანამგზავრით რეტრანსილირების უფლება აქვს. ნტვ-პლუსმა საქართველოში რეგისტრაცია 2016 წლის 12 სექტემბერს გაიარა და ავტორიზაცია მიიღო.

გიგეთ მეტი: