AFP-ის ინფორმაციით, ტერორისტული დაწგუფება ე.წ. ისლამური სახელმწიფოსთან დაკავშირებული სააგენტო ადასტურებს, რომ მათი ერთ-ერთი ლიდერი ომარ ალ-შიშანი ერაყში მოკლეს.

მათივე განცხადებით ალ შიშანი ქალაქ შირქათში, ბრძოლის დროს მოკლეს.

ინფორმაციას ადასტურებს დაზვერვის სამსახურის დირექტორიც. ამის შესახებ რიტა კაცი ტვიტერზე წერს:

13 ივლისს, CNN-მა გაავრცელა ინფორმაცია, რომ აშშ ცდილობს ომარ ალ შიშანის სიკვდილის გადამოწმებას.

15 მარტს, პენტაგონმა ISIS-ის ერთ-ერთი ლიდერის თარხან ბათირაშვილის, იგივე ომარ ალ-შიშანის, სიკვდილი დაადასტურა.

ოფიციალური ცნობის თანახმად, მისი სიკვდილი ამერიკული სამხედრო ძალების თავდასხმის შედეგად მიყენებულმა ჭრილობებმა გამოიწვია.

ISIS-ზე სამხედრო იერიშის შემდეგ, დასავლური მედია ამერიკის სამხედრო ძალის წარმომადგენლებზე დაყრდნობით ავრცელებდა ინფორმაციას თარხან ბათირაშვილის სავარაუდო ლიკვიდაციის შესახებ. რომელიც მოგვიანებით არ დადასტურდა.

Agence France-Presse-მა სირიაში მყოფი მონიტორინგის ჯგუფ Syrian Observatory for Human Rights-სგან შეიტყო, რომ ომარ ალ-შიშანი ცოცხალი იყო და ჰასაკეს პროვინციაში არსებულ საავადმყოფოში მკურნალობდა. ჰასაკეს პროვინცია რაქაში მდებარეობს. ტერიტორიას მკაცრად აკონტროლებს ISIS.

აბუ ომარ ალ-შიშანი IS-ის ერთ-ერთი ყველაზე გავლენიან ლიდერად მოიაზრებოდა. მის სანაცვლოდ 5 მილიონი აშშ დოლარი იყო დაწესებული. 2010 წლამდე თარხან ბათირაშვილი საქართველოს არმიაში მსახურობდა.