ჯანმრთელობასთან დაკავშირებული პრობლემების გამო გამო, ლეგენდარული ფეხბურთელი პელე 2018 წლის მსოფლიო ჩემპიონატს, რომელიც რუსეთში უნდა გაიმართოს, ვერ დაესწრება.

2016 წელს პელემ ვერც ოლიმპიადის გახსნაში მიიღო მონაწილეობა, მიუხედავად იმისა, რომ ოლიმპიური თამაშები სწორედ ბრაზილიაში ტარდებოდა.

იგი მსოფლიოს სამგზის ჩემპიონია, რომელიც ფეხბურთის საერთაშორისო ასოციაციამ ასწლეულის ფეხბურთელად დაასახელა.

2018 წლის მსოფლიო ჩემპიონატი რუსეთის 11 ქალაქში 14 ივნისიდან 15 ივლისის ჩათვლით ჩატარდება.