UFC-ის ვარსკლავი კონორ მაკგრეგორი ნიუ-იორკში დააკავეს და იგი ახლა პოლიციის განყოფილებაში იმყოფება.

საქმე ისაა, რომ ირლანდიელი მებრძოლი თავის გუნდელებთან ერთად Barclays ცენტრში შეიჭრა და UFC 223-ის ავტობუსს, რომელშიც მებრძოლები იმყოფებოდნენ (მათ შორის ხაბიბ ნურმაგომედოვიც), ნაგვის ურნები, სკამები და სხვა ნივთები ესროლა.

სავარაუდოა, რომ მიზეზი, რის გამოც მაკგრეგორმა და მისმა გუნდელებმა ავტობუსზე თავდასხმა გადაწყვიტეს, ისაა, რომ მანამდე ხაბიბ ნურმაგომედოვმა მაკგრეგორის მეგობარ არტიომ ლობოვს სილა გააწნა.

ინციდენტის დროს ავტობუსში მყოფმა სპორტსმენებმა დაზიანებები მიიღეს და ამიტომ UFC 223-ის რამდენიმე ბრძოლა ოფიციალურად გაუქმდა.

UFC-ის პრეზიდენტმა დანა უაითმა მომხდარს კომპანიის ისტორიაში ყველაზე ამაზრზენი მოვლენა უწოდა.