The Economist-ის ინფორმაციით, ეგვიპტის საპრეზიდენტო არჩევნებში კანდიდატების გადახაზვის მიზეზი ლივერპულის ეგვიპტელი ვარსკლავი მოჰამედ სალაჰია, რომელიც მიმდინარე სეზონში ბრწყინვალე ფორმაში იმყოფება.

სალაჰმა 2017-2018 წლებში ლივერპულის მაისურით 41 შეხვედრა ჩაატარა და 36 გოლის გატანა შესძლო.

იგი თავის სამშობლოში იმდენად პოპულარული გახდა, რომ უამრავმა ამომრჩეველმა პრეზიდენტად სწორედ ის ისურვა.

მართალია, საპრეზიდენტო არჩევნებში ხმათა 92 პროცენტით აბდულ-ფათაჰ ალ-სისიმ გაიმარჯვა, თუმცა, როგორც გაირკვა, ერთ მილიონზე მეტმა ადამიანმა ყველა კანდიდატი გადახაზა და ბიულეტენში სალაჰის სახელი ჩაწერა.