დე ფაქტო აფხაზეთი ე.წ. საზღვარზე საქართველოდან გადასულ მოქალაქეებს კარანტინს უწესებს, მიზეზად კი ფაროსანას გავრცელების თავიდან აცილებას ასახელებს. ამის შესახებ ინფორმაციას ადგილობრივი სახელისუფლებო მედია ავრცელებს.

გამოცემის ინფორმაციით, გადაწყვეტილება აფხაზეთის დე ფაქტო რესპუბლიკის მცენარეთა კარანტინის სახლელმწიფო ინსპექციამ მიიღო. მათი თქმით, საქართველოდან გადასული მოქალაქეების ბარგში აზიური ფაროსანა არაერთხელ აღმოაჩინეს.

უწყება ამბობს, რომ ვინაიდან აღნიშნული მწერი სწრაფად ვრცელდება და ითვისებს არეალს, მისი გამრავლების შემთხვევაში აფხაზეთის დე ფაქტო რესპუბლიკას მილიარდობით რუბლის ზარალი შეიძლება მიადგეს.

გამოცემის ინფორმაციით, სწორედ ამ მიზეზების გამო 31 მარტიდან საზღვარზე კარანტინი გამოცხადდება და აიკრძალება საქართველოს ტერიტორიიდან ნებისმიერი სახის მცენარეული პროდუქციის შეტანა.