თავისუფალი დემოკრატები და რესპუბლიკელები პარლამენტს კაკაბაძის არჩევისკენ მოუწოდებენ
![](http://chandler.on.ge/2018/03/16/ninia-kakabadze.jpg)
ფოტო: გვანცა ნემსაძე
არასაპარლამენტო პარტიები თავისუფალი დემოკრატები და რესპუბლიკური პარტია პარლამენტს საზოგადოებრივი მაუწყებლის მეურვედ ნინია კაკაბაძის მხარდაჭერისკენ მოუწოდებენ. მმართველმა პარტიამ ნინია კაკაბაძე ამ თანამდებობაზე მეხუთედ რამდენიმე დღის წინ არ აირჩია. პარტიების განცხადება კი დღეს, 30 მარტს გავრცელდა.
თავისუფლი დემოკრატები მიიჩნევენ, ხელისუფლებამ საზოგადოებრივი მაუწყებელი სახელმწიფო ტელევიზიად გადააქცია და ამიტომ განსაკუთრებით მნიშვნელოვანია, სამეურვეო საბჭოში დამოუკიდებელი, კრიტიკულად მოაზროვნე და უკომპრომისო ადამიანები შევიდნენ.
"ქართული ოცნების უმრავლესობამ წინა კენჭისყრაზე ნინია კაკაბაძის კანდიდატურა ჩააგდო, რითიც გამოამჟღავნა დამოუკიდებელი და კრიტიკული აზრის მქონე ადამიანის კატეგორიული მიუღებლობა, ამასთანავე, უმრავლესობამ ხელყო საპარლამენტო უმცირესობის არსებითად დემოკრატიული უფლება, გამოიყენოს მისთვის კანონით განსაზღვრული კვოტა", - წერია თავისუფალი დემოკრატების მიერ გავრცელებულ განცხადებაში.
რესპუბლიკურ პარტიას მიაჩნია, საპარლამენტო უმრავლესობა არ უწევს ანგარიშს მაუწყებლობის შესახებ კანონით დადგენილ მოთხოვნებს.
"პარლამენტში ნინია კაკაბაძის მიმართ უკვე არაერთგზის გამოხატული უარყოფითი პოზიცია, ტოვებს შთაბეჭდილებას - ის იმდენად მიუღებელია ქართული ოცნებისთვის პერსონალურად, რომ მმართველი გუნდი მზადაა არ გაითვალისწინოს კანონით დადგენილი არცერთი მოთხოვნა, მხოლოდ იმიტომ, რომ ნინია კაკაბაძე არ მოხვდეს სამეურვეო საბჭოში", - ვკითხულობთ რესპუბლიკური პარტიის განცხადებაში.
საზოგადოებრივი მაუწყებლის სამეურვეო საბჭოს წევრობის კანდიდატად 26 მარტს ჟურნალისტი ნინია კაკაბაძე მეექვსედ დაასახელეს. მისი კანდიდატურისთვის, ყველა წინა შემთხვევაში, საპარლამენტო უმრავლესობას მხარი არ დაუწერია და ის სამეურვეო საბჭოს წევრი ვერ გახდა.
განმეორებით კენჭისყრაზე კანდიდატების დასამტკიცებლად საკმარისია სხდომაზე მყოფ დეპუტატთა ხმათა უმრავლესობა, მინიმუმ 51 ხმა.
კაკაბაძეს საკონკურსო კომისიამ გასაუბრების დროს კომისიის 9-ვე წევრმა დაუჭირა მხარი.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები