ესპანური გამოცემა მარკას ინფორმაციით, კრიშტიანუ რონალდუ ლას-პალმასთან გასამართ შეხვედრას გამოტოვებს და მთლიანად ჩემპიონთა ლიგის მეოთხედფინალზე მოახდენს კონცენტრირებას.

ლას-პალმასთან მატჩი შაბათსაა დანიშნული, ხოლო ტურინის იუვენტუსს მადრიდელები 3 აპრილს, სამშაბათს შეხვდებიან.

იმის გამო, რომ ლა ლიგაში გამარჯვების იმედი გადაწურულია, სამეფო კლუბი მთლიანად ჩემპიონთა ლიგაზე უნდა გადაერთოს. ამისთვის კი მათ ტურინში დასვენებული რონალდუ დასჭირდებათ.

იუვენტუსსა და რეალს ერთმანეთის წინააღმდეგ სულ 20-ჯერ უთამაშიათ. აქედან 9 მატჩი ტურინელებმა მოიგეს, 9 მადრიდელებმა, ორი კი ფრედ მორჩა. მათ უკანასკნელ შეხვედრაში, რომელიც 2016-2017 წლის ჩემპიონთა ლიგის ფინალში შედგა, რეალმა ანგარიშით 1:4 გაიმარჯვა.