იუსტიციის მინისტრმა, თეა წულუკიანმა საჯარო რეესტრის თავმჯდომარის, პაპუნა უგრეხელიძის მიმართ სექსუალურ შევიწროების ბრალდებებზე ისაუბრა. მისი თქმით, მსგავს თემებზე ცალმხრივი პოზიციის გავრცელება არასწორია:

"ქალებს მოგმართავთ პირველ რიგში, ზოგიერთს ყველას არა. მოვუსმინოთ მამაკაცებსაც ჯერ და მერე არაფერი წინ არ უდგას სწორი პოზიციის გამოხატვას"

წულუკიანმა აღნიშნა, რომ როგორც ქალმა მინისტრმა, პაპუნა უგრხელიძეს უნდა მოუსმინოს.

"მიმდინარეობს სასამართლო დავა, სადაც არა - იუსტიციის სამინისტრო, არა - საჯარო რეესტრი, არამედ, ის პირადად არის მოპასუხე. შესაბამისად, ამ საქმის მასალები იცის მან და მეორე მხარემ".

თეა წულუკიანის თქმით, მისი მოადგილე უგრეხელიძის ადვოკატს პირადად შეხვდა, რათა საქმის მასალებზე წვდომა ჰქონოდა.

"მე მაქვს რამდენიმე კითხვა, მათ შორის უხერხული. როგორც კი მე მას შევხვდები, ინფორმირებულ პოზიციას დავიჭერ".

ჟურნალისტის კითხავზე, თუ რატომ არ დასვა მინისტრმა კითხვები მაშინ, როცა რეკომენდაციები მინისტრისთვის ცნობილი გახდა წულუკიანმა უპასუხა, რომ სახალხო დამცველის დასკვნა მხოლოდ მხარეებისთვის იყო ცნობილი.

ახალგაზრდა ქალი, რომელმაც საჯარო რეეესტრის სააგენტოს თავმჯდომარე პაპუნა უგრეხელიძე სექსუალურ შევიწროებაში დაადანაშაულა, ანონიმურობის პირობის დაცვით ამბობს, რომ იუსტიციის მინისტრმა იცოდა ფაქტის შესახებ და რეაგირება არ ჰქონია.

დაზარალებულის თქმით, მას შემდეგ, რაც სახალხო დამცველმა უგრეხელიძეს სექსუალური ნიშნით შევიწროება დაუდგინა, მან დოკუმენტი იუსტიციის მინისტრს და პრემიერს გაუგზავნა. მისივე თქმით, თეა წულუკიანმა დისკრიმინაცია უმნიშვნელოდ ჩათვალა.