ევროპული საქართველო ქალთა სექსუალური შევიწროებისა და ძალადობის საკითხებზე კანონპროექტზე მუშაობს. ამ საკითხზე პარტიის წარმომადგენლები ქალთა უფლებებზე მომუშავე არასამთავრობო ორგანიზაციების წარმომადგენლებს შეხვდნენ.

შეხვედრაზე განიხილეს საჯარო რეესტრის ხელმძღვანელის, პაპუნა უგრეხელიძის მიმართ ყოფილი თანამშრომლის მიერ სექსუალურ შევიწროებაზე გამოთქმული ბრალდებებიც.

"მსხვერპლები, რომლებიც სულ არიან ჩვენ გარშემო არა თუ ხმას იღებენ, შეშინებულები არიან და რა თქმა უნდა, ამას უნდა მოჰყვეს ძალიან სერიოზული საზოგადოებრივი, სამართლებრივი პროცესი. იმისთვის, რომ ყველამ დაინახოს რა მაღალიც არ უნდა იყოს თანამდებობა, ვინც არ უნდა იყოს ადამიანი, რომელიც ძალადობს ქალზე თუ ნებისმიერ სხვაზე ის იქნება აუცილებლად დასჯილი", - თქვა შეხვედრის დასრულების შემდეგ ევროპული საქართველოს ლიდერმა, ელენე ხოშტარიამ.

ზვიად დევდარიანის შემდეგ, სექსუალურ შევიწროვებაში საჯარო რეესტრის ეროვნული სააგენტოს თავმჯდომარე პაპუნა უგრეხელიძე საჯაროდ რამდენიმე დღის წინ დაადანაშაულეს. დაზარალებული ამბობს, რომ პაპუნა უგრეხელიძის მხრიდან ღირსების შემლახველი მოპყრობა მისი თავმჯდომარედ დანიშვნის დღიდან დაიწყო.

ამავე თემაზე: