იტალიის ნაკრების და ტურინის იუვენტუსის მეკარემ ჯანლუიჯი ბუფონმა ერთმანეთს ლიონელ მესი და კრიშტიანუ რონალდუ შეადარა.

"მესი და რონალდუ ერთმანეთისგან ძალიან განსხვავდებიან. მესი უფრო მრავალფეროვანია, რადგან შეტევას სიღრმიდან იწყებს. ტექნიკური მახასიათებლები და მოედნის ხედვაც უკეთესი აქვს. იგი უფრო ტრეკვარტისტაა, ვიდრე ფინიშერი", - აღნიშნა ბუფონმა.

მისივე თქმით, რონალდუ უფრო საჯარიმოს "მკვლელად" იქცა:

"კრიშტიანუ რონალდუ, შესაძლოა, ასაკის გამოც, უფრო საჯარიმოს მკვლელი გახდა. საკუთარი თავის ადრინდელ ვარიანტთან შედარებით, ახლა იგი გაცილებით მეტად ზოგავს ენერგიას, თუმცა, მეორე მხრივ, მას გოლის გატანა ერთი შეხებით შეუძლია".