"წინასწარი მონაცემებით, არჩილ ტატუნაშვილს სხეულზე აღენიშნება მრავლობითი დაზიანებები, რაც დიდი ალბათობით მიუთითებს წამების კვალზე", - ტატუნაშვილის ცხედრის ექსპერტიზასთან დაკავშირებით, წამების მსხვერპლთა რეაბილიტაციის ცენტრი ემპათია განცხადებას ავრცელებს.

ემპათიას ექსპერტები მიიჩნევენ, რომ აუცილებელია ჩატარდეს კომპლექსურ-კომისიური ექსპერტიზა საერთაშორისო სტანდარტების შესაბამისად. ექსპერტიზამ უნდა დაადგინოს წამების სავარაუდო ფაქტსა და გარდაცვალების მიზეზს შორის მიზეზ-შედეგობრივი კავშირი.

ოკუპირებული ცხინვალში დაღუპული არჩილ ტატუნაშვილის ცხედარი საქართველოს ხელისუფლებას გუშინ, 20 მარტს გადასცეს. ოჯახი 26 დღე ელოდებოდა არჩილ ტატუნაშვილის ცხედრის დე ფაქტო ხელისუფლებისგან გადაცემას. ტატუნაშვილი თითქმის ერთი თვის წინ, 22 თებერვალს ცხინვალის ციხეში გარდაიცვალა. ოსური მხარის ვერსიით, ის იზოლატორში გადაყვანისას პოლიციელისთვის იარაღის წართმევა სცადა, საპასუხო ძალის გამოყენების შედეგად შეუძლოდ გახდა, კიბეებზე წაიქცა და მოგვიანებით საავადმყოფოში დაიღუპა.

ამავე თემაზე: