პსჟ-ს ერთ-ერთი ლიდერის მარკო ვერატის თქმით, მსაჯები მესის განსაკუთრებულად ეპყრობიან. ვერატიმ ბოდიში მოიხადა, რომ მსაჯთან უთანხმოების გამო იგი მადრიდის რეალთან შეხვედრისას მოედნიდან გააძევეს, თუმცა ისიც დაამატა, რომ მესი მსგავს სიტუაციაში დაუსჯელი დარჩებოდა:

"რეალის წინააღმდეგ თამაშისას არასწორად მოვიქეცი, თუმცა ეს იმედგაცრუების გამო დამემართა. არბიტრებს ხანდახან მეტი ლმობიერება მართებთ".

"ცუდი რეაქცია მქონდა, თუმცა შეურაცხყოფის მიყენება არავისთვის მსურდა. მესი არბიტრებთან ახლოს მიდის და ხელს მათი სახისკენ იშვერს, მას კი არავინ სჯის. მიუხედავად ამისა, გამოსწორება მმართებს" - აღნიშნა პარიზელთა ნახევარმცველმა.