თბილისის საქალაქო სასამართლომ შვილის მიმართ ძალადობაში ბრალდებულს 4 წლით თავისუფლების აღკვეთა მიუსაჯა.

პროკურატურის ინფორმაციით, ბრალდებულმა 2017 წლის 19 ივლისს, მისსავე საცხოვრებელ სახლში, ოჯახური კონფლიქტის დროს შვილს დანით, ფეხის არეში, განზრახ მიაყენა ჭრილობა და შემთხვევის ადგილიდან მიიმალა. დაზარალებულმა სიცოცხლისთვის სახიფათო, მძიმე ხარისხის დაზიანება მიიღო.

ბრალდებული 2017 წლის 26 ივლისს ქალაქ ქუთაისში დააკავეს. მას ბრალი სისხლის სამართლის კოდექსის 111.117-ე მუხლის პირველი ნაწილით (ოჯახის წევრის მიმართ ჩადენილიჯანმრთელობის განზრახ მძიმე დაზიანება) წარედგინა და აღკვეთის ღონისძიების სახით პატიმრობა შეეფარდა.