საკულტო ამერიკული სერიალის "სასოწარკვეთილი დიასახლისების" მსახიობი სრულ მზადყოფნას გამოთქვამს შოუს გაგრძელებაში მონაწილეობის მისაღებად და იმედოვნებს, რომ ერთ დღეს ეს აუცილებლად მოხდება.

"იმ შემთხვევაში, თუ "სასოწარკვეთილი დიასახლისების" გაგრძელებად გადაწყვეტენ, მე ვიქნები პირველი ადმაიანი, ვინც ამას დათანხმდება. ძალიან მინდა ეს მოხდეს, მენატრება ჩემი პერსონაჟი და მენატრება სერიალი", - ამბობს ტერი ჰატჩერი.

აღსანიშნავია, რომ ABC-ის შოუს გაგრძელებაში მონაწილეობისთვის მზადყოფნა მანამდე სხვა მსახიობებმაც გამოთქვეს.

შოუს ერთ-ერთმა მსახიობმა, რენე პერის როლის შემსრულებელმა, ვანესა უილიამსმა ერთ-ერთ ინტერვიუში განაცხადა, რომ ხშირად ნახულობს მთავარი როლის შემსრულებელ მსახიობებს და ხშირად საუბრობენ, რომ სურთ კვლავ დაბრუნდნენ ეკრანზე.

"გოგოებთან კვლავ ვმეგობრობ, ერთდერთი ვინც სამწუხაროდ ბოლო პერიოდში ვერ ვნახე მარშა კროსია [ბრი]. შევხვდი ფელისიტის [ლინეტი], ტერისას [სიუზენი] და ევას [გაბი], რომლებთანაც ჩვენ გაერთიანებაზე ვისაუბრე და ისინი მზად არიან დიასახლისების კანში კიდევ ერთხელ შეძვრნენ", - ამბობს ვანესა.

უილიამსის გარდა დაბრუნებისთვის მზადყოფნას გამოთქვამს ევა ლონგორიაც, რომელიც სერიალში გაბი სოლისის როლს ასრულებს.

"მენატრება შოუ, მენატრება გადასაღებ მოედანზე გატარებული თითოეული დღე, მენატრება გაბი. ძალიან მინდა კიდევ ერთხელ მომეცეს შანსი გაბი სოლისი გავხდე. ისევ ჩავიცვა მისი კაბები, ფეხსაცმელები. თუმცა არავინ იცის რა მოხდება, მარკ ჩერიმ [შოუს შემქმნელი] რამდენჯერმე გვითხრა, რომ ჯერ არ აპირებს სერიალის გაგრძელებას. გარდა ამისა ყველა მსახიობი დაკავებულია, ფელისიზი [ლინეტ სკავო] ყოველ წელს ემის და ოქროს გლობუსის ნომინანტ პერსონაჟს ქმნის, მეც ჩემი პროექტებით ვარ დაკავებული, თუმცა იმედს მაინც ვიტოვებ, რომ ერთ დღეს კვლავ გავერთიანდებით", - ამბობს გაბი.

ABC-ს შოუ სასოწარკვეთილი დიასახლისები პირველად ეთერში 2004 წელს გავიდა და მას შემდეგ უამრავი ემი, ოქროს გლობუსი თუ მსახიობთა გილდიის ჯილდო მოიპოვა.

Eurodata TV Worldwide-ს მონაცემებით, სასოწარკვეთილი დიასახლისები ამჟამადაც ერთ-ერთი ყველაზე პოპულარული შოუა მსოფლიოს ყველა კონტინენტზე.

სერიალის სიუჟეტი გამოგონილ ამერიკულ დასახლებაში, ვისტერია ლეინის ქუჩაზე ვითარდება. მოწესრიგებული ეზოებისა და ლამაზი სახლების მიღმა ნამდვილი ადამიანური დრამა იმალება. ოთხი ერთმანეთისგან განსხვავებული დიასახლისი ცდილობს, პირად პრობლემებს გაუმკლავდეს და ამ პროცესს მაყურებელიც დიდი ინტერესით ადევნებს თვალს: სუზანი ქმარს სცილდება, ლინეტს ოთხი მცირეწლოვანი შვილი პირად ცხოვრებას ართმევს, ბრი ზედმეტად დიდ ყურადღებას უთმობს ოჯახის იმიჯს, გაბის კი ერთი კაცი არ აკმაყოფილებს. მოკლედ, აქ შუახნის ასაკის ყველა პრობლემას შეხვდებით.

სერიალი ეთერში 8 წლის განმავლობაში გადიოდა და მყარად გაიდგა ფესვები ამერიკულ და არა მხოლოდ ამერიკულ პოპ-კულტურაში.