შვიდწლიანი პაუზის შემდეგ, პოპვარსკვლავი მადონა ახალი ფილმის გადაღებას იწყებს.

პროექტზე მომღერალი MGM-თან ერთად იმუშავებს. დრამა სახელად Taking Flight, რეალურ ამბავზეა დაფუძნებული და ის ობოლთა თავშესაფარში გაზრდილი მიქაელა დიპრინსის ამბავს მოგვითხრობს, რომელმაც მაოხერხა და ერთ-ერთი ყველაზე პოპულარული ბალერინა გახდა.

"ეს არის არაჩვეულებრივი ისტორია, რომელზე მუშაობაც ჯერ კიდევ 2015 წელს დავიწყეთ. ისტორიის მთავარი გმირი მიქაელაა, რომელიმაც გაუძლო ომებს, გადაიტანა მშობლების სიკვდილი, გაიზარდა ობოლ ბავშვთა თავშესაფარში და თავისი ოცნებისთვის ბრძოლა არ შეუწყვეტია", - ამბობს ფილმის პროდიუსერი.

მადონასთვის ეს ეს მესამე სრულმეტრაჟიანი ფილმი იქნება. პოპვარსკვლავის მიერ, 2011 წელს გადაღბული W.E. ოსკარზეც იყო ნომინირებული კოსტუმების საუკეთესო დიზაინისთვის, მადონას მიერ შესრულებულმა სიმღერამ კი ოქროს გლობუსი მიიღი.