ნეპალში, კატმანდუს აეროპორტში თვითმფრინავი დაშვებისას ჩამოვარდა და დასაჯდომ ბილიკზე დაენარცხა. US-Banglad Air-ის თვითმფრინავს, დაკა-კატმანდუს რეისზე, ეკიპაჟის წევრებთან ერთად 71 ადამიანი გადაჰყავდა.

BBC-ის ცნობით, შემთხვევის შედეგად, სულ მცირე, 17 ადამიანი გადარჩა და საავადმყოფოში გადაიყვანეს. პოლიციის ინფორმაციით, დადასტურებულია რომ 38 ადამიანი დაიღუპა, თუმცა მათი რიცხვი შესაძლოა გაიზარდოს.

ფოტო: Flightradar24

ადგილობრივი მედიის ცნობით, ტრიბუვანის საერთაშორისო აეროპორტში დაგეგმილი ყველა რეისი ჩაიშალა.