გარემოს ეროვნული სააგენტოს ინფორმაციით, 9 მარტს საქართველოში ძლიერი ქარია მოსალოდნელი, თუმცა საგანგაშო სიტუაცია არ არის.

კერძოდ, თბილისის შიდა რაიონებში ქარის სიჩქარე 20-25, ხოლო გარეუბნებში 25-30 მ/წმ-მდე შეიძლება აღინიშნოს.

დასავლეთ საქართველოს ტერიტორიაზე დღის 12:00 საათიდან მოსალოდნელია დასავლეთის მიმართულების ძლიერი, 20-25 მ/წმ სიჩქარის ქარი.

აღმოსავლეთ საქართველოში ქარი გაძლიერდება საღამოს 05:00 საათიდან. ქარის სიჩქარე, მდ. მტკვრის აუზში 20-25 მ/წმ-ის, ხოლო კახეთის რეგიონში 30 მ/წმ-ის ფარგლებშია შესაძლებელი.

აღნიშნულთან დაკავშირებით, თბილისის მერიამ მოსახლეობას მოუწოდა სიფრთხილე გამოიჩინონ და უსაფრთხოების წესები დაიცვან.