საქართველოს მესამე პრეზიდენტმა და ოდესის ყოფილმა გუბერნატორმა მიხეილ სააკაშვილმა თქვა, რომ მისი მმართველობის პერიოდის ერთ-ერთი მინისტრი აშშ-ში მშენებლობაზზე მუშაოდ მუშაობს, ხოლო მეორე ყოფილი მინისტრი სატვირთოს მძღოლია. ამის შესახებ მან Meduza-სთვის მიცემულ ინტერვიუში ისაუბრა.

ჟურნალისტის კითხვაზე - რატომ მოხდა ასე - საააკაშვილმა უპასუხა:

"რადგან, რეალურად, ის საქართველოში დარჩა, შიმშილობდა - რა უნდა ქნა? თუ ეკონომიკის განხრით ხარ, მაშინ შეგიძლია ქობალიას [ეკონომიკის ყოფილი მინისტრი] მსგავსად მოეწყო, ახლა ის ინდონეზიის მთავრობის მთავარი მრჩეველია. ყოფილი პრემიერ-მინისტრი, მაგალითად, რეფორმების განხრით სააგენტო შექმნა და მთელი მსოფლიოს გარშემო მოგზაურობს - აფრიკაში, ალბანეთში (სავარაუდოდ, ლადო გურგენიძეზე საუბრობს, Meduza-ს შენიშვნა). მას ხელფასს იმისთვის უხდიან, რომ საქართველოს რეფორმების გამოცდილებას უზიარებს. მაგრამ არიან ადამიანები, რომლებიც ამ ნაკადში ვერ მოხვდნენ"

Meduza-ს განმარტებით, სააკაშვილს არ დაუზუსტებია რომელ მინისტრებზე ისაუბრა. ნაციონალურ მოძრაობის პრესსამსახურმა On.ge-ს ინფორმაცია დაუდასტურა, თუმცა კონფიდეციალურობის დაცვის მიზნით ვინაობა არ გაამხილა.

ინტერვიუში მიხეილ სააკაშვილი თავის შემოსავლებზეც საუბრობს. მისი თქმით, მას რამდენიმე ათასი დოლარი აქვს და ოჯახს ნორმალური ჰოლანდიური შემოსავლით.

"კიდევ ერთხელ ვიტყვი, უკვე მაქვს ლექციების წაკითხვის შემოთავაზებები და მექნება, იმედი მაქვს, მრავალი სხვა შესაძლებლობა, რომლიდანაც ავირჩევ. ამიტომაც მე არ ვიქნები დამოკიდებული, მაგალითად, პარტიის შემოსავალზე ან უკრაინაში ჩვენი პარტიის მიერი თანხების მობილიზებით", - ამბობს სააკაშვილი.