ბათუმის არეულობის ორგანიზებაში მსჯავრდებული მერაბ ღოღობერიძე და ირაკლი ჩხვირკია უდოს კომისიამ, პირობით ვადაზე ადრე გაათავისუფლა. ამის შესახებ ინფორმაცია On.ge-ს სასჯელაღსრულებისა და პრობაციის სამინისტროში დაუდასტურეს.

10 იანვარს, ბრალდებულებს ბათუმის საქალაქო სასამართლომ წელიწად-ნახევრით პატიმრობა შეუფარდა.

2017 წლის 11 მარტს, ბათუმში, პატრულმა მოძრაობის შეფერხებისა და არასწორი პარკირებისთვის მოქალაქე დააჯარიმა, რასაც ჯერ სიტყვიერი და ფიზიკური დაპირისპირება, მოგვიანებით კი საპროტესტო აქცია მოჰყვა. აღნიშნული აქცია არეულობაში გადაიზარდა, რა დროსაც აქციის მონაწილეებმა დაწვეს და დააზიანეს როგორც ავტომობილები, ისე საგზაო ინფრასტრუქტურა.