ოზურგეთსა და ფოთში საგამოცდო ცენტრი აღარ დაიხურება. როგორც უწყებაში ამბობენ, ამ ცენტრების დახურვის გადაწყვეტილება მინისტრმა, მიხეილ ჩხენკელმა შეცვალა.

"მინისტრთან შეთანხმებით, შეფასებისა და გამოცდების ეროვნული ცენტრის დირექტორი მაია მიმინოშვილი, აღნიშნული რეგიონების აბიტურიენტებსა და მათ მშობლებს დღეს ესაუბრა და მათთან კონსულტაციის შედეგად გადაწყდა, რომ ოზურგეთსა და ფოთში საგამოცდო ცენტრები არ დაიხურება. შესაბამისად, აბიტურიენტები გამოცდების ჩაბარებას კვლავ ადგილობრივ ცენტრებში შეძლებენ", - აცხადებენ განათლების სამინისტროში.

ფოთისა და ოზურგეთის საგამოცდო ცენტრების დახურვის შესახებ ინფორმაცია რამდენიმე დღის წინ გავრცელდა.