მიტოვებული სახლები ევროპაში (ფოტოები)

34 წლის ავსტრიელი ფოტოგრაფი სტეფან ბაუმანი ევროპაში მოგზაურობისას გადაღებულ ექსტრავაგანტული სახლების ფოტოებს გვთავაზობს, რომლებიც ადრე მდიდარ და გავლენიან ოჯახებს ეკუთვნოდათ.

ის სახლების ადგილმდებარეობას საიდუმლოდ ინახავს, რათა მიტოვებული შენობები ვანდალებისა და მძარცველებისგან დაიცვას.

"ხშირად, ამ ადგილებში შესვლა რისკთანაა დაკავშირებული, რადგან შენობების უმრავლესობა ძალიანაა დაზიანებული. ზოგიერთი მათგანი გარკვეული ბარიერებითაა დაცული, როგორიცაა, მაგალითად ელექტრო მოწყობილობები და მე მათი გადალახვა მიწევდა".

სახლები ძველი დროის საუკეთესო არქიტექტორებისა და ხელოვანების მიერაა შექმნილი.

1. ერთი სახეობის ქვით აშენებული სახლისგან ხანძრის შემდეგ მხოლოდ ფასადი დარჩა

2. ოთახი ლამაზი ფანჯრით. სახლი ადრე შეძლებულ ოჯახს ეკუთვნოდა. მთელი სართული მძიმე მდგომარეობაშია, თუმცა წითელი მარმარილოს სვეტები მაინც მყარად დგას.

3. რამდენიმე მიწისძვრის შემდეგ ეს ვილა მრავალი წლის წინ მძიმედ დაზიანდა. კედლების ულამაზესი ხელოვნების შედევრი ჩანგრევის შემდეგ ქვედა სართულზე აღმოჩნდა.

4. ბელგიაში ეს მიტოვებული სახლი წლების განმავლობაში აუთვისებელი იყო. ახლა უკვე ის ადმინისტრაციის შენობაა.

5. გერმანულ-იტალიური სამეფო ოჯახის ეს სახლი მიწისძვრის შემდეგ დაინგრა. ამის შემდეგ აქ შესვლის ნება მფლობელებსაც კი არ დართეს.

6. საფრანგეთში ეს სახლი ერთ დროს გავლენიან და ძლიერ ოჯახს ეკუთვნოდა. ახლა ფინანსური პრობლემების გამო მიტოვებულია.

7. ეს მიტოვებული გოთიკური შენობა საფრანგეთშია. შელახული საკეტები, ჩამსხვრეული შუშები და შიშველი ხეები მოჩვენებათა ამბებში რომ წარმოგვიდგენია, ისეთ სახლს ჰგავს.

8. იტალიის მრეწველობის ერთ-ერთი გავლენიანი ხელმძღვანელის ეს ვილა ადრე ცეცხლში გაეხვა. სასახლიდან მთელი სიმდიდრე გაიტანეს, თუმცა შემორჩენილი ბრწყინვალე ჭაღი მაშინდელი დიდებულების შეგრძნებას აღვიძებს.

9. ათ წელზე მეტია საფრანგეთში ეს სახლი მიტოვებულია. მფლობელებს სარემონტო სამუშაოების ჩასატარებელი თანხა არ აქვთ.

10. სახლი საფრანგეთში. საძინებელში დარჩენილი ქუდი და წიგნები შთაბეჭდილებას ტოვებს, რომ ვიღაც ნაჩქარევად გაიქცა. მნიშვნელოვანია ასევე უცნაური საწოლიც.

11. მიტოვებული ვილა საფრანგეთში. ფანჯრიდან შემოსული მზის სხივები ხის ორნამენტებიან ტახტს ანათებს.

12. სააბაზანო, სადაც თითქოს აღსადგენი არც არაფერია.

13. იტალიის ერთ-ერთი მიტოვებული ვილას დიდი დარბაზი. სახლი ტრაგიკული შემთხვევის შემდეგ დაცარიელდა. ახალგაზრდა წყვილის ქორწინების დღეს, ცერემონიის შემდეგ, პატარძალმა თავი მოიკლა.

14. უზარმაზარი გარდერობი ვილაში.

15. ოცი წლის წინ მიტოვებული ვილა იტალიაში, რომელიც უდიდესი ვენახების მფლობელს ეკუთვნოდა. ბოლოს ამ შენობას ბავშვთა სახლად იყენებდნენ.

16. ეს კიბე გერმანიაში მიტოვებული სახლის ნაწილია, რომელსაც საბოლოო მიტოვებამდე მოხუცებულთა თავშესაფრად იყენებდნენ.

17. აქ უკვე მცენარეები იზრდებიან. მრავალოთახიანი მიტოვებული ვილა იტალიაში.

18. მთავარი კიბე მიტოვებულ სასახლეში.მიუხედავად სიძველისა, მოხატული ჭერი ფერებს კვლავ ინარჩუნებს.

19. ოცი წლის მიტოვებული სასახლის მთავარი შესასვლელი. მფლობელი იტალიაში ერთ-ერთი ღვინის ქარხნის მეპატრონე იყო. ბიზნესის წარუმატებლობის შემდეგ სასახლე მიატოვა.