გაეროს ცეცხლის შეწყვეტის შესახებ რეზოლუციის მიუხედავად, სირიის სამთავრობო ძალები აღმოსავლეთ ღუტაში დაბომბვებს აგრძელებენ. გაეროს უშიშროების საბჭომ რეზოლუცია შაბათს მიიღო და მშვიდობიანი მოსახლეობისთვის ჰუმანიტარული დახმარების მიზნით, სირიაში 30 დღის განმავლობაში ცეცხლის შეწყვეტას ითვალისწინებდა.

სახმელეთო თავდასხმები ღუტაში რეზოლუციის მიღებიდან რამდენიმე საათში დაიწყო. BBC-ის ინფორმაციით, კვირას გერმანიისა და საფრანგეთის ლიდერებმა რუსეთის ლიდერს დახმარება სთხოვეს, რათა სირიაში რეზოლუციის პირობები შესრულდეს.

როგორც დოკუმენტშია ნათქვამია, სამშვიდობო ზავი არ ეხება ისლამური სახელმწიფოს, ფრონტ ან-ნუსრასა და ალ-ქაიდას წინააღმდეგ ჩატარებულ ოპერაციებს.

აღმოსავლეთ ღუტა სირიის დედაქალაქთან უკნასკნელი დიდი რეგიონია, რომელიც მემაბოხეებს უკავიათ. ბოლო რამდენიმე კვირაა სირიის სამთავრობო ძალები ღუტას ბომბავენ. გავრცელებული ინფორმაციით, ბოლო ერთ კვირაში ღუტაში 500-ზე მეტი მშვიდობიანი მოსახლე გარდაიცვალა.

რეზოცლუციის პროექტის ინციატორები ქუვეითი და შვეიცარია არიან და ის ძალაში მიღებიდან 72 საათში შევა. დოკუმენტის ავტორების თქმით, 1 244 პუნქტში მაცხოვრებელი 5,6 მილიონზე მეტი ადამიანი მწვავე საჭიროებების მდგომარეობაშია. გაეროს გენერალურმა მდივანმა ღიტაში მიმდინარე მოვლენებს "ჯოჯოხეთი დედამიწაზე" უწოდა.