გაეროს უშიშროების საბჭომ ერთხმად მიიღო რეზოლუცია, რომლის თანახმადაც დაზარალებულებისთვის დახმარების აღმოჩენის მიზნით სირიაში 30 დღის განმავლობაში ცეცხლი შეწყდება.

როგორც დოკუმენტშია ნათქვამია, სამშვიდობო ზავი არ ეხება ისლამური სახელმწიფოს, ფრონტ ან-ნუსრასა და ალ ქაიდას წინააღმდეგ ჩატარებულ ოპერაციებს.

ბოლო რამდენიმე დღეა სირიის სამთავრობო ძალები მეამბოხეების მიერ დაკავებულ აღმოსავლეთ ღუტას ბომბავენ. გავრცელებული ინფორმაციით, ბოლო ერთ კვირაში ღუტაში 500-ზე მეტი მშვიდობიანი მოსახლე გარდაიცვალა.

რეზოცლუციის პროექტის ინციატორები ქუვეითი და შვეიცარია არიან და ის ძალაში მიღებიდან 72 საათში შევა. დოკუმენტის ავტორების თქმით, 1 244 პუნქტში მაცხოვრებელი 5,6 მილიონზე მეტი ადამიანი მწვავე საჭიროებების მდგომარეობაშია. გაეროს გენერალურმა მდივანმა ღიტაში მიმდინარე მოვლენებს "ჯოჯოხეთი დედამიწაზე" უწოდა.