ჰარვი ვაინშტაინის მისამართით გამოთქმულ ბრალდებებზე პირველი სასამართლო პროცესი შედგა.

საქმის განხილვის დროს, საკუთარი თავის დასაცავად, პროდიუსერმა მერილ სტრიპისა, ჯენიფერ ლოურენსისა და გვინეტ პელტროუს სახელები მოიშველია და აღნიშნა, რომ მათთან მხოლოდ საქმიანი ურთიერთობა აკავშირებდა.

როგორც პროცესზე დამსწრე პირები ამბობენ, ვაინშტაინმა ჰოლივუდის ვარსკვლავების სახელები თავის გასამართლებლად გამოიყენა და თქვა, რომ მიუხედავად იმისა, რომ ბევრი ქალი მას ძალადობაში სდებს ბრალს, იყვნენ ისეთებიც ვისთან მუშაობის დროსაც ასეთი საშინელებები არ მომხდარა.

რა თქმა უნდა, ეს ამბავი მალევე აიტაცა პრესამ. ოსკაროსანმა მსახიობებმა, მერილ სტრიპმა, ჯენიფერ ლოურენსმა და გვინეტ პელტროუმ კი ჰარვის ბოდიშის მოხდა მოსთხოვეს. პელტროუმ აღნიშნა ისიც, რომ ჰარვის განცხადება, თითქოს მას მსახიობზე არ უძალადია, სიმართლეს არ შეესაბამება.

"მიუხედავად იმისა, რომ მე არ გავმხდარვარ ჰარვი ვაინშტაინის მსხვერპლი, ყველა იმ ქალს ვგულშემატკივრობ, რომლებმაც მის ძალადობრივ ქმედებებზე განაცხადეს, ჩემი აპლოდისმენტები და ოვაციები მათ, რომ ის სასამართლომდე მიიყვანეს", - თქვა ჯენიფერ ლოურენსმა.

საკუთარი განცხადება გაავრცელა სამი ოსკარის მფლობელმა მერილ სტრიპმაც:

"ჰარვი ვაინშტაინის ადოკატებმა ჩემი განცხადება გამოიყენეს, სადაც ვამბობდი, რომ მასთან მხოლოდ საქმიანი ურთიერთობა მქონდა და მისი მხრიდან არ გავმხდარვარ სექსუალური შევიწროების მსხვერპლი. ჩემი ამ განცხადებით, სურდათ იმის თქმა, რომ თურმე ის ბევრ მსახიობ ქალს არ ავიწროვებდა. ვფიქრობ მისი ეს საქციელი და განცხადება ძალიან პათეთიკური და შეურაცხმყოფელია. ის კრიმინალური ქმედებები, რაც მან ქალების მისამარტით ჩაიდინა კრიმინალია და თუ სამართალი არსებობს, ის აუცილებლად დაისჯება, მიუხედავად იმისა, თუ რამდენი კარგი ფილმი შეუქმნია", - წერია სტრიპის განცხადებაში.

საბოლოო ჯამში ჰარვი ვაინშტაინის ადვოკატებმა ბოდიში მოიხადეს და მსახიობებს თქვეს რომ მათი სახელის შელახვას არ აპირებდნენ.

გაიგეთ მეტი: ჰარვი ვაინშტაინის საქმე