რუსთავი 2-ის ინფორმაციით, მას შემდეგ, რაც დღეს აჭარის მთავრობის თავჯდომარის, არჩილ ხაბაძის იმპიჩმენტი ვერ შედგა, მან აღნიშნული თანამდებობა შესაძლოა ხვალ დატოვოს. ნაციონალური მოძრაობა კი მიიჩნევს, რომ ხაბაძის მიერ თანამდებობის შესაძლო დატოვება ლევან ვარშალომიძის ბათუმში დაბრუნებას უკავშირდება.

ერთიანი ნაციონალური მოძრაობის წევრის, ირაკლი ბარამიძის თქმით, როგორც კი ხელისუფლებამ ვარშალომიძის საქართველოში დაბრუნების შესახებ შეიტყო, გადაწყვიტა არაფრისმკეთებელი არჩილ ხაბაძე მოეცილებინა:

"შეუძლებელი იქნებოდა არჩილ ხაბაძის პერსონისათვის, რომელსაც რეგიონისთვის არაფერი გაუკეთებია, დაეპირისპირებინა ვარშალომიძე".

თავად ხაბაძემ კი განმარტა, რომ შესაძლოა საარჩევნო სიას სათავეში ჩაუდგეს ან მისი კანდიდატურა პარლამენტშიც განიხილონ:

"ჩვენი მთავარი პოზიცია არის გუნდის გაძლიერება".

დღეს აჭარის უმაღლეს საბჭოში აჭარის მთავრობის თავმჯდომარის, არჩილ ხაბაძის იმპიჩმენტი ვერ შედგა. ენმ-ს წინადადებას, რომ არჩილ ხაბაძისათვის მთავრობას უნდობლობა გამოცხადება გამოეცხადებინა 7 ხმა დააკლდა.

ლევან ვარშალომიძე ქართულ პოლიტიკაში ბრუნდება