TV პირველის ტოქშოუს წამყვანი, ვახო სანაია ამბობს, რომ ის და ტელევიზიაში დასაქმებული ჟურნალისტები არიან არხის დამოუკიდებელი სარედაქციო პოლიტიკის გარანტი. ამის შესახებ სანაიამ საქართველოში მედიის უახლესი გამოწვევების შესახებ გამართულ მრგვალ მაგიდაზე განაცხადა.

"ვფიქრობ, რომ ნინომ [ჟიჟილაშვილმა] გასაგებად თქვა, რომ იყო სიგნალი, ნიშნები იმისა, რომ TV პირველი, როგორიც დღეს არსებობს შეიძლება აღარ ყოფილიყო. პირველი რაც ჩვენ გავაკეთეთ, შევკრიბეთ NGO-ები და ვუთხარით ყველაფერი რაც ვიცოდით", - თქვა სანაიამ და იქვე დაამატა, რომ კონკრეტულ სახელებსა და გვარებს ვერ დაასახელებენ, რადგან მტკიცებულებები არ აქვთ.

ტვ პირველის პოლიტიკური ტოქშოუს წამყვანი, ნინო ჟიჟილაშვილი აცხადებს, რომ ხელისუფლებისგან მოდიოდა სიგნალები, რომ ტელეკომპანიას სამომავლოდ შეეცვალა "თავისი შინაარსი". ნინო ჟიჟილაშვილის თქმით, კონკრეტული ზეწოლა ხელისუფლების წარმომადგენლების მხრიდან არ ყოფილა, თუმცა მისივე აზრით, ამ ტელეკომპანიის არსებობა ხელისუფლებისთვის პრობლემურია