დროებითი მოთავსების იზოლატორებში ვიდეოკამერის ჩანაწერების შენახვის ვადა 24 საათიდან - 120 საათამდე გაიზარდა. ეს დრო დაკავებულის იზოლატორში ყოფნის მთელ პერიოდს მოიცავს. ინფორმაციას შინაგან საქმეთა სამინისტრო ავრცელებს.

უწყების განცხადებით, დაწყებულია მუშაობა ვიდეო-მეთვალყურეობის სისტემის გასაუმჯობესებლად.

"საწყის ეტაპზე, 6 მსხვილ იზოლატორში ვიდეო-მეთვალყურეობის არსებული მოძველებული საშუალებები ჩანაცვლდება ახლით, რის შემდეგაც ჩანაცვლება ეტაპობრივად გაგრძელდება."

ვიდეოჩანაწერის შენახვის ვადის გაგრძელებაზე შესაბამისი საკანონმდებლო ცვლილებები 2018 წლის თებერვალში განხორციელდა.