ავსტრიელი რეჟისორი, მიხაელ ჰანეკე ამბობს, რომ #MeToo მოძრაობა კაცების სიძულვილში გადაიზარდა და ის "ალქაჯებზე ნადირობას" დაემსგავსა.

"ეს ახალი, კაცებზე მონადირე პურიტანიზმის, რომელიც #Metoo მოძრაობის სახელით ვრცელდება, ძალიან მაშფოთებს, რადგან ამას არ აქვს კავშირი იმ ფაქტთან, რომ სექსუალური ან სხვა ძალადობრივი ქმედება ქალისა თუ კაცის მიმართ უნდა დაიგმოს და დაისაჯოს. მეგონა, რომ ალქაჯებზე ნადირობა შუა საუკუნეებში დავტოვეთ. ეჭვი არ მეპარება, რომ ახლა ჩემზეც იტყვიან - ჰანეკე შოვინისტი ღორია", - ამბობს ჰანეკე.

კამპანია, #MeToo ჰოლივუდის გავლენიანი პროდიუსერის, ჰარვი ვაინშტაინის, სკანდალს მოჰყვა, რომლის კარიერაც იმ ქალებმა დაასრულეს, რომლებზეც ის ათწლეულების განმავლობაში ძალადობდა.