პარლამენტის თავჯდომარე, დავით უსუფაშვილი ამბობს, რომ ქართული ოცნების მიერ გიგი წერეთლის საწინააღმდეგო განცხადებები, მისი ეუთოს საპარლამენტო ასამბლეის პრეზიდენტად დანიშვნის პროცესში, წერეთლისათვის ყველაზე დიდი კოზირია:

"აქ ჩვენ ვირჩევთ საერთაშორისო ორგანიზაციის ხელმძღვანელს და ის არგუმენტები, რომლებიც ქართულმა ოცნებამ მოიტანა და კოლეგებს განცხადებების სახით შესთავაზა არის კონტრპროდუქტიული. მე თუ მკითხავთ, დღეს გიგი წერეთელს არჩევის პროცესში ყველაზე დიდი პრობლემა აქვს რუსეთის დელეგაციის მხრიდან მხარდაჭერა და ყველაზე დიდი კოზირი უჭირავს ქართული ოცნების მხრიდან ასეთი წინააღმდეგობის სახით".

უსუფაშვილმა განმარტა, რომ აღნიშნულ საკითხთან დაკავშირებით ქართული ოცნების ქმედებები არა მხოლოდ სამარცხვინო, არამედ თავისმომჭრელიცაა:

"პოლიტიკური მაზოხიზმის ნიშნების შემცველი და კიდევ ათასი უბედურება. ამიტომ არ მინდა იმაში ჩავერთო, რაც ხდება. დიახ, ეს არის სამარცხვინო".

ქართული ოცნების ნაწილმა დღეს განაცხადა, რომ შესაძლოა ევროპის სახალხო პარტია რუსეთს გაურიგდა იმისთვის, რომ ეუთოს პრეზიდენტად გიგი წერეთლის არჩევის სანაცვლოდ ევროპის საბჭოში რუსეთისთვის ხმის მიცემის უფლება აღადგინონ.