საქართველოს ფინანსთა სამინისტროს მიერ On.ge-სთვის მიწოდებული ინფორმაციის მიხედვით, ფინანსთა მინისტრის, მამუკა ბახტაძის გვერდების სოციალურ ქსელებში რეკლამისთვის ბიუჯეტიდან თანხა არ იხარჯება.

უწყებას On.ge-სთვის არ უპასუხია ხარჯავს თუ არა მინისტრი პირად თანხებს სოციალურ ქსელებში რეკლამაზე და ამისთვის დამატებითი წერილის მიწერა ითხოვა.

მინისტრად მამუკა ბახტაძის დანიშვნის შემდეგ სოციალურ ქსელებში მისი ფეისბუკპოსტების, ფეისბუკგვერდისა და ინსტაგრამზე განთავსებული ფოტოების რეკლამები გავრცელდა. მინისტრის სარეკლამო კამპანიის შესახებ რამდენიმე დღის წინ ნეტგაზეთმა დაწერა.