როგორც იცით, SpaceX-ის მიერ დამზადებულმა გიგანტურმა რაკეტა Falcon Heavy-მ ტესტირება წარმატებით გაიარა.

მოვლენა, რომელსაც უამრავი ადამიანი პირდაპირ ეთერში ადევნებდა თვალს, უზომოდ ემოციური გამოდგა. ილონ მასკმა ტექნიკურის გარდა, შინაარსობრივ დეტალებზეც იზრუნა და ხომალდის გაშვება მნიშვნელოვანი სიმბოლოებით დატვირთვა. ერთ-ერთი ასეთი სიმბოლო იყო ტესლას მანქანის ფერი ("წითელი მანქანა წითელი პლანეტისათვის") და ჩართული სიმღერა - დევიდ ბოუის Space Oddity. გარდა ამისა, მასკს არც საკულტო წიგნი The Hitchhiker's Guide to the Galaxy დავიწყებია და მანქანაში პირსახოცი ჩადო, ხოლო სალონში Don't Panic მიაწერა.

თუმცა SpaceX-ის სულისჩამდგმელს ყველა სიურპრიზი ერთად არ გაუმხელია.

ცოტა ხნის წინ გაირკვა, რომ წითელმა მანქანამ კოსმოსში საიდუმლო გზავნილიც წაიღო უცხოპლანეტელებისთვის. მოემზადეთ!

გზავნილი ასე იკითხება: დამზადებულია დედამიწაზე ადამიანების მიერ.

Printed on the circuit board of a car in deep space

A post shared by Elon Musk (@elonmusk) on

რთულია, გული არ აგიჩუყდეს. თუ ოდესმე უცხოპლანეტელები მანქანას წააწყდებიან, ეცოდინებათ, საიდან გაჩნდა კოსმოსში ეს უცნაური ობიექტი.