ერთიანი ნაციონალური მოძრაობის წევრის, გიგი წერეთლის აზრით, ეუთოს საპარლამენტო ასამბლეის სესიაზე, ქართული მხარის მიერ მომზადებულ რეზოლუციის პროექტში "კონფლიქტი საქართველოში" ასახული საკითხები, რომლებიც რუსეთთან ურთიერთობას, დევნილებს, ოკუპაციასა და ანექსიას ეხება, ძალიან მნიშვნელოვანია იმისთვის, რომ მსოფლიოს ყურადღება ფოკუსირებული იყოს აღნიშნულ საკითხებზე:

"ადრეც ვთქვი და ახლაც ვამბობ, რომ ძალიან მნიშვნელოვანია ასეთი კონსოლიდირებული დოკუმენტის მიღება. ცალცალკე ჩვენ თუ ვნახავთ პუნქტებს, სხვადასხვა დროს ეს ასახულია ეუთოს რეზოლუციებში, სხვა დოკუმენტებშიც. ის, რაც ეხება ოკუპაციის თმას, რუსეთთან ურთიერთობას, დევნილებს, ანექსიას და ა.შ. მაგრამ ამ სესიაზე, ასე საკმაოდ სოლიდური და მნიშვნელოვანი დოკუმენტის ასევე ერთხმად მიღება, მე არაფერს ვამბობ იმაზე, რომ ეს ჩვენი დელეგაციის ყველა წევრი საერთო პოზიციაა, ხაზს უსვამს, რომ ეს საკითხი არის მნიშვნელოვანია".

ეუთოს საპარლამენტო ასამბლეის 25-ე სესიაზე, რომელიც საქართველოში იმართება, ქართულმა მხარემ რეზოლუციის პროექტი მოამზადა, რომელიც ძირითად რუსეთთან ურთიერთობას, აღნიშნული ქვეყნის მიერ ნაკისრი ვალდებულებების შეუსრულებლობას, ანექსიასა და ოკუპაციას ეხება.

აღნიშნულ დოკუმენტს რუსეთის გარდა, ყველა ქვეყანამ დაუჭირა მხარი. რუსეთის დელეგაციის წევრებისთვის მიუღებელი აღმოჩნდა ყველა ის მუხლი, რომელშიც რუსეთია ნახსენები. მათ ასევ განაცხადეს, რომ დელეგაციის წევრებმა ისე დაუჭირეს მხარი დოკუმენტს, რომ ის წაკითხულიც კი არ ჰქონდათ.