საგანგებო სიტუაციების მართვის სამსახურის მრავალშვილიანი მოსამსახურეები თანამდებობრივ სარგოსთან ერთად ყოველთვიურ დანამატებს მიიღებენ. სამსახურის უფროსის ბრძანება 31 იანვარს საკანონმდებლო მაცნეში გამოქვეყნდა.

ბრძანებაში ნათქვამია, რომ მრავალშვილიან მოსამსახურეებს, გარდა სამსახურის სახელმწიფო სპეციალური წოდების მქონე მოსამსახურეებისა, ეძლევათ ყოველთვიური დანამატი შემდეგი ოდენობით, მაგრამ არაუმეტეს ყოველთვიური თანამდებობრივი სარგოს ოდენობის 20%-ისა:

  1. ოთხი შვილის მშობელს – 250 ლარი;
  2. ხუთი შვილის მშობელს – 375 ლარი;
  3. ექვსი შვილის მშობელს – 500 ლარი;
  4. შვიდი და მეტი შვილის მშობელს – 625 ლარი.

ამასთან, სამსახურებრივი მოვალეობის შესრულებისას, სამსახურის მეხანძრე-მაშველის/მაშველის ჯანმრთელობის დაზიანების შემთხვევაში, დაზიანების ხარისხის შესაბამისად, მას ეძლევა ერთჯერადი ფულადი დახმარება შემდეგი ოდენობით:

  1. ჯანმრთელობის მძიმე დაზიანებისას – 7 000 (შვიდი ათასი) ლარი;
  2. ჯანმრთელობის ნაკლებად მძიმე დაზიანებისას – 4 000 (ოთხი ათასი) ლარი;
  3. ჯანმრთელობის მსუბუქი დაზიანებისას – 2 000 (ორი ათასი) ლარი.