თბილისის სააპელაციო სასამართლოში მოქალაქე ქეთევან კობახიძემ 3-წლიანი დავა მოუგო საქართველოს იუსტიციის სამინისტროსა და იუსტიციის სახლს. მომჩივანის ინტერესებს სასამართლოში საერთაშორისო გამჭვირვალობა - საქართველოს იურისტები, ოლიკო შერმადინი და თეონა ზაქარაშვილი იცავდნენ.

სამინისტროს ქეთევან კობახიძის უკანონო გათავისუფლებისთვის კომპენსაციის სახით 55 000 ლარის ანაზღაურების გადახდა დაევალათ.

ქეთევან კობახიძე 2013 წლის 14 იანვრიდან კონკურსის წესით დაინიშნა იუსტიციის სახლის იურიდიული სამსახურის უფროსის თანამდებობაზე. ხოლო 2014 წლის 2 ივნისს იუსტიციის სახლის აღმასრულებელი დირექტორის ბრძანებით ადმინისტრაციული გადაცდომის მოტივით გაათავისუფლეს თანამდებობიდან.

გასული წლის სექტემბერში, თბილისის უზენაესმა სასამართლომ იუსტიციის სამინისტროს დანაშაულის პრევენციის ცენტრის საკასაციო საჩივარი დაუშვებლად ცნო და ანა სუბელიანისა და თამაზ ახობაძის სამსახურიში აღდგენა და ხელფასის დაბრუნება დაევალა.

2014 წელს ანა სუბელიანი და თამაზ ახობაძე სამსახურიდან გაათავისუფლეს. ისინი მათ გათავისუფლებას თეა წულუკიანის პირად გადაწყვეტილებას უკავშირებდნენ, რადგან მათ ფეისბუკზე გააპროტესტეს დანაშაულის პრევენციის ცენტრის, დავით მაისურაძის, გათავისუფლება.